[forms ID=13]
Uncategorised
Información básica sobre protección de datos persoais
- Responsable do tratamento Xunta de Galicia - Consellería de Economía, Emprego e Industria.
- Finalidades do tratamento Xestionar as inscricións e controlar a asistencia ao evento para a entrega de agalrdóns dos Premios RSE Galicia 2019.
- Lexitimación para o tratamento O cumprimento dunha misión en interese público ou no exercicio de poderes públicos (Lei 13/2011, do 16 de decembro, reguladora da política industrial de Galicia; Decreto 135/2018, do 4 de outubro, polo que se regulan os Premios de Responsabilidade Social Empresarial de Galicia - Premios RSE Galicia). Consentimento da persoa interesada.
- Destinatarios dos datos Non se prevén comunicacións a terceiros.
- Exercicio de dereitos As persoas interesadas poderán acceder, rectificar e suprimir os seus datos, así como exercitar outros dereitos ou retirar o consentimento segundo se recolle en https://www.xunta.gal/exercicio-dos-dereitos
- Información adicional https://www.xunta.gal/informacion-xeral-proteccion-datos
Confirmación asistencia Premios RSE2019
[forms ID=11]
Edición 2022
Composición do Xurado dos Premios RSE Galicia 2022
Con data do 14 de febreiro aprobouse a designación do xurado da cuarta edición dos Premios RSE Galicia.
A convocatoria deste Premio así como a composición do xurado está dispoñible nas ligazóns deste apartado.
Ligazóns de interese
Edición 2019
Fallo do xurado Premios RSE Galicia
Os premios RSE Galicia pretenden ser unha maneira de poñer en valor e recoñecer publicamente o labor daquelas empresas que adoptan principios e prácticas de responsabilidade social na súa xestión.
O xurado dos premios RSE Galicia 2019 acordou conceder ós seguintes recoñecementos:
1. Premio á Responsabilidade Social Empresarial nas seguintes categorías:
Pequena empresa
- TECALIS INNOVACIÓN, SLU
Mediana empresa
- EMPRESA MONFORTE, SAU
Gran empresa
- ALTIA CONSULTORES, SA
2. Premio Mención á Conciliación:
Pequena empresa
- CONGALSA, SL
Ligazóns de interese
Estratexia Galega de RSE 2023-2025
Desde a Xunta de Galicia quérese avanzar cara unha Galicia igualitaria, responsable e competitiva, na que empresas e administración traballen cara a unha sociedade responsable e un desenvolvemento sustentable, no contexto dos retos globais; unha Galicia como espazo de oportunidades para un desenvolvemento social, ambiental e económico responsable, baseado na colaboración dos axentes públicos e privados e dos grupos de interese.
No marco do Plan Estratéxico de Galicia 2022-2030 desenvólvese a Estratexia Galega de RSE 2023-2025, a través da cal se busca promover que as empresas galegas se desenvolvan atendendo de forma equilibrada ás variables económicas, ambientais, sociais e de bo goberno, así como ás demandas dos seus grupos de interese para construír unha Galicia de futuro.
Por que se desenvolve esta estratexia?
Nun contexto global no que cada vez é máis importante a resposta conxunta da sociedade, empresas e institucións no impulso a un mundo mellor, resulta imprescindible adaptarse ás novas necesidades para garantir un desenvolvemento sustentable, favorecer a competitividade das empresas, aliñar as organizacións cos Obxectivos de Desenvolvemento Sustentable e a Axenda 2030 e, en definitiva, promover unha sociedade máis igualitaria e integradora, que consiga reducir as desigualdades e mellorar a calidade de vida e a conservación da contorna.
En Galicia, as empresas máis innovadoras, líderes nos seus mercados e comprometidas co planeta e a sociedade, están a desenvolver políticas e estratexias responsables. Por iso, as prioridades desta estratexia inclúen a promoción de comportamentos responsables voluntarios, que vaian máis alá da lexislación vixente, e o impulso do compromiso nos ámbitos económico, ambiental, social e de bo goberno entre as empresas, a administración e os grupos de interese. A través dela integraranse condutas responsables nas estratexias e políticas da administración autonómica e favorecerase un diálogo aberto e transparente.
En resumo, será o elemento clave para impulsar a creación de valor compartido na comunidade.
Consulta aquí o documento completo
Obxectivos
Empresa
Situar os valores e principios da responsabilidade social empresarial na axenda das empresas galegas como mecanismos para impulsar a súa competitividade, produtividade e crecemento.
Obxectivos:
Sociedade de futuro
Contar cunha estratexia de responsabilidade social empresarial aberta, compartida e coñecida por todos os grupos de interese, que permita crear sinerxías a través da escoita e da colaboración entre empresas, administración e sociedade civil.
Obxectivos:
Administración pública
Impulsar unha xestión responsable e exemplarizante nas políticas, plans e programas da administración, particularmente desde os organismos competentes en materia de emprego.
Obxectivos:
Noticias
Boletín oficial da Xunta de Galicia en materia de RSE
Ano 2024
Ano 2022
Ano 2021
Ano 2020
Ano 2019
Ano 2018
Ano 2017
Ano 2016
Ano 2015
Información básica sobre protección de datos persoais (Boletin)
Información básica sobre protección de datos persoais
- Responsable do tratamento Xunta de Galicia. Consellería de Economía, Emprego e Industria.
- Finalidades do tratamento Dar de alta á persoa interesada como subscritor do boletín da Xunta de Galicia en materia de responsabilidade social empresarial e manter a relación coa mesma a través do envío de comunicacións periódicas.
- Lexitimación para o tratamento Consentimento da persoa interesada.
- Destinatarios dos datos Empregamos a ferramenta Mailchimp para o envío deste boletín.
- Exercicio de dereitos As persoas interesadas poderán acceder, rectificar e suprimir os seus datos, así como exercitar outros dereitos ou retirar o consentimento segundo se recolle en https://www.xunta.gal/exercicio-dos-dereitos
- Información adicional https://www.xunta.gal/proteccion-datos-persoais
Información básica sobre protección de datos persoais (XuntaPro)
Información básica sobre protección de datos persoais
- Responsable do tratamento Xunta de Galicia. Consellería de Economía, Emprego e Industria.
- Finalidades do tratamento Tramitar a súa solicitude para a descarga do software gratuíto Xunta ProRSE.
- Lexitimación para o tratamento Consentimento da persoa interesada.
- Destinatarios dos datos Non se prevén comunicacións a terceiros.
- Exercicio de dereitos As persoas interesadas poderán acceder, rectificar e suprimir os seus datos, así como exercitar outros dereitos ou retirar o consentimento segundo se recolle en https://www.xunta.gal/exercicio-dos-dereitos
- Información adicional https://www.xunta.gal/proteccion-datos-persoais
Xeración Responsable
Qué é Xeración Responsable?
Xeración Responsable é unha iniciativa impulsada pola Consellería de Economía, Emprego e Industria para promover a responsabilidade social nas persoas mozas.
Desde 2017, Xeración Responsable, coa colaboración da Consellería de Cultura, Educación e Ordenación Universitaria, imparte en centros educativos sesións de formación para explicar ás novas xeracións que é e que significa ser responsable.
Todo isto aproveitando o potencial das novas tecnoloxías e as redes sociais, para crear comunidade, para axudarlles a entender como ser cidadáns responables lles pode axudar a construír unha comunidade máis sustentable.
Como se desenvolve o proxecto?
A través de talleres prácticos, de aproximadamente 50 minutos de duración, os mozos e mozas reflexionan sobre estes temas mediante preguntas, exemplos ou xogos de situación. O contido sobre o que se traballa baséase nos 17 ODS, de maneira que se traballa sobre unha ampla diversidade de temas. A partir de noticias e contidos reais, o alumnado elixe e responde a cuestións que xerarán un debate e lles permitirá desenvolver o seu propio coñecemento sobre o ODS asociado.
Desta maneira, como resultado obtense tamén información sobre que temas preocupan ás mozas e mozos participantes, para poder profundar despois nas aulas e ofrecer soporte.
Como norma xeral, inclúese un apartado transversal a todas as aulas, enfocado no ODS5: igualdade de xénero. Considérase importante aproveitar a oportunidade de concentrar aos mozos para transmitir a necesidade de tratar este tema, a realidade existente e que poden facer.
Segunda edición
Obxectivos
- Concienciar sobre os retos actuais da sociedade e como afrontalos desde unha perspectiva responsable.
- Xerar debate, espertar a curiosidade no alumnado cara cuestións que son transversais aos seus estudos e que lle servirán no súa futura actividade profesional.
- Aproveitar o potencial da RSE para convertelo en valores, en conceptos comprensibles e atractivos para a xuventude.
- Dar a coñecer que son os Obxectivos de Desenvolvemento Sustentable (ODS) e as súas implicacións ás novas xeracións.
Para saber máis
En novembro de 2018 esta iniciativa regresou ás aulas galegas para integrar ás novas xeracións na alianza mundial dos Obxectivos de Desenvolvemento Sustentable e a Axenda 2030.
Nas sesións desenvolvidas en oito centros educativos das catro provincias galegas profundarase en catro dos ODS: ODS 5 Igualdade de xénero, ODS 8 Traballo decente e crecemento económico, ODS 9 Industria, innovación e infraestrutura; e ODS 12 Produción e consumo responsables.
Resultados primeira edición
Durante a primeira fase do proxecto, desenvolvida en novembro de 2017, un total de 200 alumnas e alumnos participaron nos talleres desenvolvidos. Os niveis educativos cos que se traballou son 2º ciclo de E.S.O, 2º ciclo de bacharelato e ciclos formativos.
A posta en práctica da iniciativa obtivo resultados positivos, manifestado tanto pola implicación do alumnado como pola acollida dos propios centros.
Galería de imaxes
Edición 2018
Edición 2017
Noticias
Proxecto GEMCAT
Contexto
O apoio ao desenvolvemento de políticas de emprego de calidade é un dos alicerces sobre os que se sustenta a política social da Unión Europea. En coherencia co eixe 4 do Programa de Cooperación Territorial Transfronteiriza para España e Portugal 2014-2020, o Proxecto de Xeración de Emprego de Calidade Transfronteirizo (GEMCAT) ten como un dos seus principais desafíos lograr un mercado de traballo en harmonía cun crecemento intelixente, sustentable e integrador, que poña o acento na creación de emprego e na redución da pobreza.
Para iso, promove a construción dun marco de cooperación institucional entre os Estados membros, que fomente a coordinación e a aproximación das políticas nacionais, así como a participación entre institucións, autoridades locais e autonómicas e interlocutores sociais.
Ámbito de actuación
O Proxecto de Xeración de Emprego de Calidade Transfronteirizo (GEMCAT) intervén en varias rexións do espazo de cooperación da fronteira hispano-portuguesa como son:
- A Comunidade Autónoma de Galicia.
- A Comunidade Autónoma de Castela e León abrangue as provincias fronteirizas e adxacentes, isto é, León, Zamora, Valladolid, Salamanca e Ávila.
- A Comunidade Autónoma de Estremadura.
- No territorio portugués o ámbito de actuación será a Rexión Norte, incluíndo Minho-Lima, Cávado e Grande Porto a través da Comunidade Intermunicipal do Alto Minho, o municipio de Braga e a Universidade do Porto.
Obxetivo
O proxecto GEMCAT ten como obxectivo principal mellorar a eficiencia das políticas públicas para a creación e o mantemento de emprego de calidade, a través da cooperación entre a cidadanía e as institucións. Os seus obxectivos específicos son:
- Construír un marco de cooperación institucional que achegue resultados concretos e melloras tanxibles no mercado laboral transfronteirizo entre España e o Norte de Portugal.
- Contribuír a crear un diálogo social nas rexións do espazo transfronteirizo entre España e o Norte de Portugal.
- Incorporar medidas de igualdade de oportunidades e a favor da conciliación, así como medidas de responsabilidade social empresarial nas empresas.
Actividades
- Creación dun grupo de traballo permanente para o deseño de políticas públicas e de novos instrumentos normativos a favor da xeración de emprego de calidade.
- Creación de mesas de diálogo social transfronteirizo nos sectores estratéxicos.
- Organización dun foro anual de diálogo social transfronteirizo.
- Elaboración dunha axenda de RSE transfronteiriza.
- Creación dun programa para a inclusión da RSE nas pemes do espazo transfronteirizo.
- Creación de RSE-Innolabs para a achega de solucións concretas aos desafíos da RSE.
- Creación dun comité pluirrexional de traballo para análise da evolución demográfica.
- Deseño dun conxunto de políticas públicas a favor da conciliación.
- Celebración de convocatorias públicas transfronteirizas de premios para o recoñecemento a empresas pola implantación de políticas de conciliación e igualdade.
