Uncategorised
Novas destacadas
Error: Something wrong there, please check your post grid source.
Actualidade
Error: Something wrong there, please check your post grid source.
Recoñecementos
Premios RSE GaliciaRede DIE
A Xunta de Galicia, a través da Consellería de Economía, Emprego e Industria, convocou en 2015 a primeira edición destes galardóns. O obxectivo é recoñecer anualmente as empresas que fan RSE na comunidade galega. Ler máis.
Distintivo "Igualdade na empresa". A nivel estatal este distintivo pódeno empregar as empresas que destaquen polas súas políticas de igualdade. Ler máis.
Recursos
Axudas e incentivos
Infórmate das convocatorias de axudas e subvencións dispoñibles neste momento.
ver máisFerramentas
Explora as ferramentas que a Xunta de Galicia pon á túa disposición en materia de sostibilidade.
ver máisProgramas
Consulta os nosos programas para formarte e mellorar en igualdade e responsabilidade social.
ver máisObservatorio RSE
Accede aos contidos exclusivos e informes de evolución sobre a sostibilidade en Galicia.
ver máisPublicacións
Consulta as guías sectoriais e outros documentos de RSE Xunta para a revitalización das empresas.
ver máis
Edición 2015
Os premios RSE Galicia queren ser un recoñecemento público a aquelas iniciativas e boas prácticas levadas a cabo polas empresas galegas. Ao mesmo tempo, pretenden sensibilizar ao empresariado da nosa comunidade sobre a necesidade de incorporar a RSE no desenvolvemento da súa actividade, así como concienciar a opinión pública sobre a importancia dunha forma de xestión empresarial responsable.
Fallo do xurado Premios RSE Galicia 2015
Os premios RSE Galicia pretenden ser un recoñecemento público a aquelas iniciativas e boas prácticas desenvolvidas polas empresas galegas en calquera das dimensións ou ámbitos (social, económico e ambiental) da RSE.
O xurado dos premios RSE Galicia 2015 acorda conceder, por unanimidade, un total de 8 premios e 2 mencións ás seguintes empresas nas súas distintas categorías e ámbitos.
Pequena empresa
- Ámbito social: Metal Ferrol
- Ámbito ambiental: Encapsulantes de Valor Añadido e Generadores Europeos (premio compartido) e Porto-Muíños (mención)
- Ámbito económico: Ambical Proyectos
Mediana empresa
- Ámbito social: Feiraco
- Ámbito económico: Autoridade Portuaria da Coruña
Grande empresa
- Ámbito social: Gadisa
- Ámbito ambiental: Grupo Calvo
- Ámbito económico: Grupo Calvo (mención)
Ligazóns de interese
Edición 2016
A Xunta de Galicia, no seu interese por promover e difundir a responsabilidade social empresarial, concede os Premios RSE Galicia. Estes galardóns recoñecen as boas prácticas das empresas galegas en catro ámbitos: social; ambiental; económico, e de conciliación laboral, familiar e persoal e promoción da igualdade de xénero.
Fallo do xurado Premios RSE Galicia 2016
O xurado dos premios RSE Galicia 2016 acorda conceder, por unanimidade, un total de 11 premios ás seguintes empresas nas súas distintas categorías e ámbitos.
Pequena empresa
- Ámbito social: Casa Grande de Xanceda S.A.T.
- Ámbito económico: Metal Ferrol S.A.L.
- Ámbito ambiental: Revertia Reusing&Recycling S.L.
- Ámbito conciliación e igualdade: Promove Consultoría e Formación S.L.
Mediana empresa
- Ámbito social: M. Caeiro S.A.
- Ámbito económico: R.C. Deportivo de La Coruña S.A.D.
- Ámbito ambiental: M. Caeiro S.A.
- Ámbito conciliación e igualdade: Pescados Rubén S.L.
Grande empresa
- Ámbito social: Quesería Entrepinares S.A.U.
- Ámbito ambiental: Abanca Corporación Bancaria S.A.
- Ámbito conciliación e igualdade: Peugeot - Citroën Automóviles España S.A.
Mencións
Ademais, outórganse as seguintes mencións na categoría de pequena empresa:
- Ámbito social: Ledisson A&IT S.L.
- Ámbito ambiental: Tratamiento Medioambiental de Vehículos S.L. (Trameve)
Galería fotográfica
Ligazóns de interese
Ferramentas
Obxectivos de Desenvolvemento SustentableGlobal Reporting Initiative (GRI)Pacto Mundial das Nacións UnidasSeries ISOAA 1000Ecoetiqueta europeaModelo de Excelencia da EFQM OHSAS 18001RS 10SA8000SGE 21EMASDirectrices da OCDE
Os 17 Obxectivos de Desenvolvemento Sustentable (ODS) da Axenda 2030 para o Desenvolvemento Sostible (aprobada polos dirixentes mundiais en setembro de 2015 no cumio das Nacións Unidas) entraron en vigor oficialmente o 1 de xaneiro de 2016. Con estes novos obxectivos, nos vindeiros 15 anos os países intensificarán os esforzos para poñer fin á pobreza, reducir a desigualdade e loitar contra o cambio climático. Ler máis.
É o modelo de elaboración de memorias de RSE máis estendido e consensuado. Establece a nivel global as guías necesarias para aquelas organizacións que, de xeito voluntario, pretendan emitir informes de RSE, proporcionando un marco xeral e común. Ler máis.
Contén unha serie de principios relativos á RSE aos que as empresas se adhiren de maneira voluntaria. É un compromiso público que esixe a presentación periódica de información sobre o progreso acadado. Ler máis.
A Organización Internacional para a Estandarización (ISO) é unha organización non gobernamental que ten por obxectivo harmonizar as diferentes normas sobre xestión que existen no mundo sobre os mesmos aspectos. Existen tres grandes familias de normas ISO: as 9000 sobre calidade; as 14000 sobre ambiente, e a ISO 26000 sobre responsabilidade social, que non é unha norma certificable, senón unha guía para a xestión da RSE na empresa. Ler máis.
Estándar mundial para asegurar a calidade e credibilidade da información sobre RSE. É unha norma non certificable pero auditable. Describe un conxunto de procesos que unha organización pode seguir para contabilizar, xestionar e comunicar a RSE, insistindo na necesidade de definir as actuacións de RSE mediante un diálogo permanente cos grupos de interese. Ler máis.
Pretende promocionar os produtos con menor impacto ambiental. Para recibila os produtos han de cumprir determinados criterios que teñen en conta todos os aspectos do ciclo de vida íntegro do produto, desde a súa produción e utilización, ata a súa eliminación final. Permite ás entidades fabricantes incorporar o logotipo da Ecoetiqueta tanto no produto como na publicidade deste. Ler máis.
É unha ferramenta para a xestión da calidade que posibilita orientar a organización de cara á clientela, sendo un dos seus froitos a sensibilización do equipo directivo e do persoal para mellorar os seus produtos e/ou servizos. A base do modelo é a autoavaliación, entendida como un exame global e sistemático das actividades e resultados dunha organización que se compara cun modelo de excelencia empresarial (normalmente unha organización punteira). Ler máis.
Sistema de xestión da seguridade e saúde laboral. Require que as empresas se comprometan a eliminar ou minimizar riscos para o seu persoal e outras partes interesadas que puideran estar expostas a perigos asociados coas súas actividades.
Este documento establece requisitos para definir, implantar, manter e mellorar un sistema de xestión da responsabilidade social co propósito de lograr a satisfacción dos grupos de interese e o cumprimento da política de RS. A especificación vai dirixida a todo tipo de organizacións, independentemente do seu sector ou tamaño e caracterízase pola súa flexibilidade para adaptarse ás particularidades de cada organización, especialmente no caso das pemes. Ler máis.
Presta atención aos aspectos laborais. Fai referencia a varias normas sobre dereitos humanos que inclúen a Declaración Universal dos Dereitos Humanos e a Convención sobre os Dereitos do Neno das Nacións Unidas. Ler máis.
A norma SGE 21, Sistema de Xestión Ética e Socialmente Responsable, é a primeira norma europea que establece os requisitos que debe cumprir unha organización para integrar na súa estratexia e xestión a RS. Ler máis.
Sistema Comunitario de Ecoxestión e Ecoauditoría é unha ferramenta voluntaria deseñada pola Comisión Europea para a inscrición e recoñecemento público daquelas empresas e organizacións que teñen implantado un sistema de xestión ambiental que lles permite avaliar, xestionar e mellorar os seus impactos ambientais, asegurando un excelente comportamento neste eido. Ler máis.
Son recomendacións aceptadas polos gobernos de distintos países e dirixidas ás empresas multinacionais para que cumpran determinados principios en materia laboral, de ambiente, dereitos humanos, impostos, etc. Aínda que unha empresa non se adhira a elas ou non teñan sido recoñecidas polo goberno dun país, calquera particular pode demandar a unha empresa que viole os seus enunciados. Ler máis.
Guía Emprega Saudable
Podes descargar "Emprega Saudable. Guía de revitalización da empresa" no botón inferior. Agardamos que o documento sexa do teu interese e axude a mellorar a saúde da túa empresa. Atoparás recomendacións e exemplos para aplicar boas prácticas na materia. Unha vez postas en marcha, e pasado un tempo, podes comprobar a evolución dos niveis de benestar e saúde na empresa volvendo facer o autodiagnóstico.
