Coa ferramenta Xunta Pro RSE tes á disposición da túa empresa un servizo en liña de acceso universal e completamente gratuíto, no que se pode avaliar o estado da organización e reportar as iniciativas e os indicadores das actuacións en materia de RSE e sustentabilidade. Permite a preparación guiada do Informe de Estado de Información Non Financeira (EINF) completamente adaptado á normativa vixente, ademais de ofrecer outros modelos de posta en valor do desempeño sostible das empresas, como o Informe de contribución aos ODS, o Informe GRI e o Informe Xunta de Galicia.
Co obxectivo de facilitar ao tecido empresarial o reporte do seu desempeño sostible segundo os estándares nacionais e internacionais, a Xunta de Galicia renova periodicamente as guías e funcionalidades desta ferramenta que permite a integración das variables da responsabilidade social empresarial na xestión, dunha forma gráfica e intuitiva.
Que informes podes xerar coa nova versión?
