Voluntariedade
A adopción de políticas de sostibilidade por parte das empresas é voluntaria, máis alá das súas obrigas legais.
Creación de valor
A sostibilidade empresarial debe contribuír a xerar valor para todos os grupos de interese, o que repercutirá na mellora da empresa no medio e longo prazo.
Grupos de interese
A sostibilidade social empresarial oriéntase á satisfacción das expectativas e necesidades dos distintos grupos de interese (persoal, clientela, accionistas, provedores, ambiente, dereitos humanos...).
Transversalidade
As políticas de sostibilidade deben involucrar a todos os niveis da empresa, todos os procesos produtivos e en todas as rexións onde desenvolva a súa actividade.
Adaptabilidade
As políticas de sostibilidade deben estar adaptadas ao contexto e realidade da sociedade na que opera a empresa. Cómpre considerar as particularidades do contorno e tamén da natureza do negocio, o ámbito xeográfico de operación ou o tamaño empresarial.
Transparencia
Dar a coñecer aos diferentes grupos de interese, internos e externos, o labor que realiza a empresa nos diferentes ámbitos da súa actividade, co obxectivo de dar credibilidade e rigor á sostibilidade empresarial.
Implicación do persoal
Promover a aprendizaxe e a formación, mellorando a organización do traballo, garantindo a igualdade de oportunidades e a inclusión social. O obxectivo é mellorar a creación de emprego e as condicións de traballo.
Ámbito interno e externo
A sostibilidade trata de conseguir empresas economicamente rendibles, respectuosas co contorno e socialmente responsables, tanto no seu ámbito interno como no externo.
