O grupo sanitario Povisa traballa desde fai anos na aplicación dun plan de igualdade de trato e de oportunidades entre todas as persoas traballadoras do grupo.

Do mesmo xeito crean oportunidades non só no acceso ao emprego, a conciliación e ordenación do tempo de traballo, a contratación, clasificación profesional, promoción, formación, retribución e saúde laboral, así como velar por traballar constantemente na comunicación e nunha linguaxe non sexista.

Un traballo diario destinado a todos os traballadores para os que dentro do material de conciliación aplícanse medidas como contar con comedor de empresa, subvencións para a gardería, xornadas reducidas e flexibilización de horarios así como excedencias voluntarias.

Xunto a estas accións Povisa elaborou un protocolo co que evitar o acoso e a violencia de xénero tanto no entorno laboral como foro, así como unha comisión de Igualdade.

Todo un plan desenvolvido e negociado entre as distintas áreas da empresa e entre a dirección da empresa e aqueles que representan os traballadores. Unha unión de traballo que permitiu que outubro se asinará o II Plan de Igualdade do Hospital.

Empresa POVISA (grupo sanitario Rivera)

Sector sanitario

Tamaño 1.500 trabajadores

web https://www.povisa.es/

No camiño de atopar unha conciliación eficiente e efectiva Juan Martínez Lema aplica o modelo Kaizen na súa granxa de vacún de carne pequena. A súa proposta ten como obxectivo lograr unha conciliación laboral, familiar e persoal: mellorar as condicións laborais e ao mesmo tempo incrementar a produtividade, e acadar máis calidade dos produtos galegos.

Juan Martínez Lema propón a aplicación do modelo Kaizen ou de mellora continua en todo o tecido empresarial galego. Así, cun esforzo inicial e concienciación de empresas e persoas traballadoras, busca que nun breve período se acaden resultados moi elevados, e repercutan por exemplo en que se traballen menos horas a semana (35). Unha propósta coa que se logra unha conciliación familiar de calidade.

Empresa: Juan Martínez Lema

Sector: Agrícola

Tamaño: 1 empregado

O sector do transporte, en especial a condución de camións, é fundamentalmente masculino, polo que é un dos que presenta una das fendas de xénero máis acusadas. Para poder reducir esta desigualdade, Ribatrans Sociedade Cooperativa Galega modificou os seus estatutos para estimular a presenza de mulleres dentro da súa cooperativa, ben sexan mulleres que desexen continuar co seu negocio ou que adquirisen unha nova licencia e precisen incorporarse a unha sociedade cooperativa. 

A modificación destes estatutos consta por escrito coa aprobación do 100% da asemblea de cooperativistas e inclúe a seguinte bonificación para as mulleres: durante o primeiro ano non teñen que abonar nin cotas de entrada nin mensuais. 

Empresa: Ribatrans Sociedade Cooperativa Galega

Sector: Transporte

Tamaño: 14 cooperativistas e 3 traballadores

Web: ribatransscg.com

Descrición

O compromiso coa RSE de Promove, unha das empresas recoñecidas co Premio RSE Xunta de Galicia no ámbito de conciliación e igualdade, acompáñaos desde o comezo. Agora transmiten os seus valores a outras persoas emprendedoras, comunicando que outra forma de facer empresa é posible.

Saben que os recursos humanos son o activo máis importante da empresa e, co obxectivo de promover o benestar do equipo e a súa felicidade no ámbito empresarial, familiar e persoal; esta consultoría adaptou o traballo ás circunstancias persoais e familiares de cada un dos empregados e impulsou unha contorna agradable para xerar unha relación de confianza e colaboración entre as persoas que forman parte dela.

Aplicando os conceptos de empatía, solidariedade, confianza e responsabilidade no seu día a día, xunto con medidas clave, como flexibilidade horaria e espacial e traballo por obxectivos, acadaron a súa meta.

Impacto

Aumentou a calidade de vida profesional e persoal dos seus traballadores, o que repercute na calidade dos proxectos que están a desenvolver. Tamén se promoveu a fixación das persoas no territorio e o coidado de fillos e persoas dependentes. Por tanto, estas medidas non só favoreceron ao equipo, senón tamén á súa contorna, posto que a flexibilidade laboral permitiulles ter unha vida persoal máis activa, permitíndolles implicarse en maior medida nas actividades da familia e a comunidade. 

Empresa: Promove
Tamaño: 3 empregadas
Sector: Consultoría
Web: http://promoveconsultoria.com/

Descrición

Posibilitar a asistencia ás consultas médicas dos fillos menores de 8 anos, cando non impliquen gravidade (entendendo esta como hospitalización ou ben intervención cirúrxica que só precise repouso) por un período máximo de 16 horas anuais, non acumulables. O obxecto desta medida é a disposición de maior tempo do que establece o ET e o convenio colectivo de aplicación para o mellor coidado e atención dos/das menores, así como permitir unha mellor conciliación da vida laboral e familiar.

A busca constante de recoñecemento independente (EFQM 500+; ISO 9001, 27001, 14000) fíxonos abrazar o modelo e certificado de Empresa Familiarmente Responsable en maio de 2009 para poñer en valor o noso compromiso coas persoas que fan posible esta realidade empresarial.

Impacto

Incremento positivo da valoración xeral de calidad de vida no traballo (enquisa anual realizada na compañía) e na taxa de rotación non desexada, descenso da taxa de absentismo, oportunidade de conciliación, incremento do sentimiento de pertenza.

Empresa: Grupo Femxa
Sector: Formación
Tamaño: 220 empregados
Web: www.cursosfemxa.es

Descrición

Adopción dun horario de traballo que permita unha maior conciliación coa vida persoal. En primeiro lugar reducimos o tempo de comida a unha hora e, despois, adiantamos a hora de entrada para todos aqueles que non realizan quendas, é dicir, a gran maioría dos empregados. O noso horario de luns a xoves é de 8:30 a 14:00 horas e de 15:00 a 17:30 horas. Esta hora de saída permite unha gran dispoñibilidade de tempo para todo tipo de actividades. Ademais, implantamos os venres xornada continua de 8:00 a 15:00 horas, permitindo que o descanso semanal sexa un continuo de case dous días e medio.

Impacto

Incremento positivo da valoración de calidade de vida no traballo (enquisa anual realizada na compañía), impacto significativo na taxa de rotación non desexada (comprobado nas avaliacións anuais de desempeño) e descenso na taxa de absentismo.

Obxectivos

• Maior e mellor oportunidade de conciliación persoal e profesional.
• Incremento de sentimento de pertenza.
• Oportunidade de facilitar a realización de actividades de desenvolvemento profesional e persoal, como formación ou accións de vida saudable.

Empresa: Grupo Femxa
Sector: Formación
Tamaño: 240 empregados
Web: www.grupofemxa.com