Ata o vindeiro 17 de agosto esta aberta a convocatoria de axudas da Xunta en ás empresas, para que adapten os servizos á nova situación sociosanitaria.
A RSE na actualidade implica a adaptación ás novas necesidades de comercios, autónomos e pemes galegas. Para que poidan facer fronte a esta situación, e como apoio á reactivación económica e a protección da saúde de clientes e traballadores, este apoios chegan ata os 3000 euros destinados á implantar nos negocios as medidas de protección precisas fronte o covid-19.
Estas axudas foron activadas para facilitar a volta á actividade nos sectores do comercio, o turismo, os servizos e o transporte en condicións de confianza para os consumidores. Autónomos, pemes e entidades de economía social poden optar a estas liñas para cubrir os gastos das medidas, tanto ás que se implanten agora como as xa realizadas desde a declaración do estado de alarma, mediante unha tramitación rápida e sinxela, que inclúe a achega de anticipos no momento da resolución favorable da axuda pola metade da contía dos investimentos realizados.
Os Reactiva comercio e servizos seguros dispoñen dunha dotación de 16 millóns de euros e neles colaboran as consellerías de Economía, Emprego e Industria; Cultura e Turismo (no marco do plan Galicia destino seguro); e Infraestruturas e Mobilidade. As axudas cobren os gastos realizados para a adquisición de equipos de protección individual e de desinfección; a adaptación dos espazos con equipamento de seguridade e redución do contacto entre persoas; a realización das obras de renovación, limpeza e ventilación do aire; e a posta á disposición dos clientes de información relativa ás medidas hixiénicas e de protección.
Así, os establecementos comerciais, empresas do sector turístico e salóns de peiteado de menos de 10 traballadores poden obter apoios polo 100% das medidas activadas, desde 300 a 1200 euros. Por outro lado, as pemes de menos de 50 traballadores tanto destes sectores como do transporte, os servizos e as actividades profesionais poden beneficiarse de apoios directos do 80% do custo nas medidas de seguridade precisas, desde un mínimo de investimento de 1500 euros ata un máximo de 3750, sendo polo tanto a axuda máxima de 3000 euros.
