Impulsamos organizacións máis saudables, sostibles e competitivas.
O benestar organizacional é un elemento estratéxico para o desenvolvemento das empresas. Unha organización que coida ás persoas mellora a súa capacidade para atraer e fidelizar talento, fortalece o compromiso dos seus equipos, favorece un mellor clima laboral e aumenta a súa competitividade.
Consciente desta realidade, o Programa Responsabilízate incorpora nesta quinta edición un novo Servizo de diagnose, asesoramento e planificación do benestar organizacional, dirixido a apoiar as pemes galegas na identificación de oportunidades de mellora e no deseño de medidas adaptadas á súa realidade.
Trátase dun servizo totalmente gratuíto, desenvolvido por persoal experto, que permitirá ás empresas coñecer a súa situación actual e dispoñer dunha folla de ruta para integrar o benestar na súa xestión diaria.
En que consiste o servicio?
Las empresas participantes desarrollarán un itinerario personalizado compuesto por varias fases:
- Autodiagnóstico inicial do benestar organizacional (ferramenta de autodiagnósis).
- Recollida de información mediante cuestionarios, entrevistas e revisión documental.
- Elaboración dun informe de diagnóstico individual do estado en benestar organizacional, que identifica fortalezas, riscos e oportunidades de mellora.
- Deseño dun Plan de Benestar Organizacional con obxectivos, accións, indicadores e cronograma.
As empresas contarán cun programa de acompañamento individualizado destinado á persoa responsable da xestión o benestar, con sesión de mentoring (6 horas) e unha acción formativa práctica centrada na mellora da comunicación interna e na cohesión de equipos (8 horas).
Contidos da acción formativa:
- Técnicas de escoita activa, comunicación asertiva e feedback construtivo.
- Xestión de conflitos e ferramentas para o diálogo efectivo en contornas laborais.
- Dinámicas para fortalecer a confianza e a cooperación entre persoas.
Que beneficios obterá a miña empresa?
Participar neste servizo permitirá ás pemes:
- Coñecer o seu nivel de benestar organizacional.
- Identificar fortalezas e áreas de mellora.
- Mellorar o clima laboral e a comunicación interna.
- Favorecer a motivación, o compromiso e a retención do talento.
- Reducir riscos organizativos e psicosociais.
- Incorporar medidas realistas adaptadas ao seu tamaño e recursos.
- Dispoñer dun Plan de Benestar Organizacional personalizado que facilite a mellora continua.
Quen pode participar?
Poderán solicitar este servizo as pequenas e medianas empresas e persoas traballadoras autónomas que cumpran os requisitos establecidos na convocatoria do Programa Responsabilízate.
Requisitos e inscricións AQUÍ.
Correo electrónico: Este enderezo de correo está a ser protexido dos robots de correo lixo. Precisa activar o JavaScript para velo.
