Alumnos e alumnas de secundaria, bacharelato e formación profesional do IES Muralla Romana de Lugo participaron nos talleres prácticos da terceira xornada Xeración Responsable, programa que está achegando durante esta semana valores relacionados coa responsabilidade social á mocidade galega. Por grupos, reflexionaron sobre innovación, inclusión, xénero, emprego e sustentabilidade, entre outros temas. Ao remate, houbo tempo para expoñer en conxunto as súas conclusións.
