O programa Responsabilízate é unha iniciativa impulsada pola Consellería de Promoción do Emprego e Igualdade, da Xunta de Galicia, orientada a prestar asesoramento e acompañamento integral e gratuíto a pemes e micro empresas na súa transformación cara a modelos de negocio ambiental, social e economicamente sostibles.
A cuarta edición do programa, cuxo procedemento de inscrición atópase aberto a novas empresas participantes, xa conta cun gran número de organizacións pertencentes a todo tipo de sectores e actividades. Moitas chegan a Responsabilízate para partir de cero no desenvolvemento da súa estratexia de Sustentabilidade, pero outras xa se atopan cun largo camiño percorrido e moitas experiencias que compartir. A continuación, presentamos a dúas destas empresas.
OS BIOSBARDOS
En que consiste a vosa actividade?
En Os Biosbardos • Cultura de Leira somos un grupo de agricultores ecolóxicos inspirados polo goce dos alimentos e o respecto na súa obtención. Seguimos con paixón os principios da permacultura e a agricultura sintrópica, creando un ecosistema agroecológico 100% orgánico en Cambre, Comarca das Mariñas.
Cultivamos alimentos ricos non só organolépticamente senón tamén en información sobre si mesmos. Buscamos a un cliente namorado da calidade, que demanda e valora produtos de horta con garantías (de orixe, de tipo de cultivo, de tratamento, de economía do ben común etc.), así como con interese consciente no consumo de proximidade e na economía circular.
Cales son as claves da vosa sustentabilidade empresarial?
Os Biosbardos • Cultura de Leira é un proxecto que crece no chan fértil da agregación de valor ao produto e é regado coa visión que achega o “pensar global, actuar local”. A nosa orixe baséase nunha agricultura permanente e sostible, que coida da terra e as persoas, e crea ecosistemas agroforestais inspirados nos bosques coa finalidade de producir alimentos e conservar a natureza.
Os piares fundamentais que guían a nosa estratexia empresarial, e que están aliñados coa sustentabilidade, son o apostar pola innovación tecnolóxica co obxectivo de conseguir que este proxecto sexa escalable a calquera nivel e poida achegar a revolución dixital ao mundo das Leiras, tamén somos un espazo colaborativo onde se pode compartir coñecemento con todo o que queira unirse ao proxecto e participar dunha forma ou outra e, finalmente a difusión, a través de redes sociais e o boca a boca, permitíronnos xerar un sistema de economía circular.
Onde podemos atopar máis información sobre vós?
Na nosa páxina web: https://www.osbiosbardos.com/es/
CLIPCARBONO
En que consiste a vosa actividade?
En Clipcarbono somos parte do 3C Group Web Sales e levamos fabricando e fornecendo produtos e solucións en fibra de carbono e outros composites desde 2005.
Apostamos pola calidade e un servizo satisfactorio, fabricando as pezas que os nosos clientes necesiten, con moldes existentes ou con moldes específicos para as súas necesidades, acompañándoos cunha fase de deseño se eles requíreno. O que nos permite traballar para unha moi ampla variedade de sectores con diversas aplicacións como poden ser a robótica, automatización, aeronáutica e aeroespacial, náutica, automoción, construción e decoración ou a ortopedia.
Cales son as claves da vosa sustentabilidade empresarial?
En canto a residuos e emisións; os residuos dos nosos procesos produtivos reutilizámolos integramente, ao traballar con materiais que permiten a súa comercialización en po ou partidos, polo que podemos vendelos e darlles unha nova vida, optamos por iluminación LED en todas as nosas instalacións, ademais de climatización por aerotermia limitado a 19ºC no inverno e 27ºC no verán, limitamos o uso de papel xa que só imprimimos o imprescindible, en empaquetado, utilizamos cartón de segundo uso, e á súa vez, os recortes ou cartóns que recibimos e non nos serven para empaquetar, transformámolos e reutilizamos para realizar acolchados.
En temas de conciliación; en Clipcarbono fomentamos a conciliación laboral con xornadas laborais de 7 horas como máximo, horarios flexibles e opción de teletraballo por parte dos empregados.
Onde podemos atopar máis información sobre vós?
Na nosa páxina web: www.clipcarbono.com
