A Dirección Xeral de Relacións Laborais, da Consellería de Emprego e Igualdade, coa colaboración do Centro de Estudos da Empresa: Responsabilidade Social e Competencia (CERGI) da Universidade de Santiago de Compostela, está a elaborar o XIV Informe sobre o estado da responsabilidade social empresarial en Galicia. Para iso, ata o vindeiro 3 de setembro estará aberta unha enquisa en liña do Observatorio Permanente da RSE en Galicia.
O obxectivo de esta enquisa é avaliar o estado actual da RSE na xestión das empresas galegas en 2019 e 2020. Sendo a responsabilidade social unha ferramenta estratéxica da competitividade do noso tecido empresarial, os resultados obtidos servirán para mellorar tanto as políticas de fomento da responsabilidade dende o goberno galego como para permitir ás empresas coñecer o grao de desenvolvemento da RSE na comunidade, de forma que poderán deseñar de forma máis eficiente as súas políticas responsables.
Para participar, accede á enquisa a través desta ligazón.