A Universidade de Santiago de Compostela está a celebrar unha serie de videoconferencias enmarcadas no Ciclo "COVID-19: Hoxe é o día despois", no que abordan os temas con maior relevancia na crise actual provocada pola pandemia do coronavirus. Nestas sesións, estanse a abordar coa axuda de persoas expertas, diferentes materias como o futuro do traballo, os retos da recuperación económica ou o desenvolvemento sustentable.
Nos vindeiros días, terán lugar as seguintes sesións:
- 13 de maio, 11:00 horas: "O dereito do traballo e da Seguridade Social na emerxencia do COVID-19". Participación aberta.
- 14 de maio, 19:00 horas: "O despedimento ante a temporalidade da norma. Prohibición ou permisión?". Require inscrición previa.
- 19 de maio, 19:00 horas: "O futuro dos Obxectivos de Desenvolvemento Sustentable. Retos urxentes". Require inscrición previa.
- 28 de maio, 19:00 horas: "O pacto fiscal. O sistema tributario para a era post Covid-19". Require inscrición previa.
- 11 de xuño, 19:00 horas: "A intelixencia artificial tamén pode axudar no diagnóstico do COVID-19". Require inscrición previa.
A celebración destas conferencias estenderase durante o mes de xuño. Poderás atopar máis información na axenda da nosa web e na web da Universidade de Santiago de Compostela.