Co fin de seguir avanzando na resposta aos retos urxentes aos que nos enfrontamos as sociedades e as organizacións a nivel global e local, a Xunta de Galicia elaborou a Estratexia Galega de Responsabilidade Social Empresarial 2023-2025, dirixida a servir como catalizador e guía ao servizo de todos os axentes públicos e privados que queiran sumar forzas neste obxectivo, co apoio do Goberno e a Administración de Galicia.
O novo marco de actuación plásmase no documento dispoñible aquí e nel establécense 25 accións ao redor de tres eixos: empresa, sociedade de futuro e administración pública. O obxectivo é desenvolver estas accións no prazo 2023-2025 coa intención de que as empresas, os autónomos e toda a sociedade galega no seu conxunto cheguen a 2025 en disposición de asumir os retos dunha economía sostible e dixitalizada, como base para mellorar a calidade de vida, a competitividade e o futuro do noso territorio.
As 25 accións detalladas na nova Estratexia artéllanse nos seguintes eixos e aspectos:
Eixo empresa
- Apoio directo e asesoría para implantación de RSE
- Alianzas sectoriais en materia de sustentabilidade
- Innovación e dixitalización
- Acceso a financiamento
- Transparencia e información sobre sustentabilidade
- Implantación de ferramentas para a mellora da gobernanza
- Relacións laborais modernas baseadas en RSE
- Igualdade na empresa
- Conciliación, teletraballo e desconexión dixital
- Seguridade e saúde laboral e hábitos saudables
- Proxectos de impacto social e ambiental
- Menor impacto no uso de recursos
- Medición e redución da pegada de carbono
- Colaboración con ONG ’s con impacto social e ambiental
Eixo sociedade
- Sensibilización e integración laboral de estudantes de RSE e dixitalización
- Formación en sustentabilidade, dixitalización e soft skills
- Consumo responsable de produtos con atributos de RSE
- Hábitos de consumo e vida sustentable
- Rede galega de RSE
- Premios RSE
- Creación dun Selo de Galicia Responsable
- Divulgación de contidos sobre RSE e boas prácticas
Eixo administración
- Integrar os ODS e as boas prácticas na administración
- Formación e sensibilización ao persoal da administración
- Compra Pública Responsable e Compra Pública Innovadora