Desde a empresa Terminal Marítima de Vigo ( TERMAVI) impúlsase unha iniciativa para o coidado dos fondos mariños. Dita acción foi desenvolta xunto co grupo Davila a través da ONG CEMMA que á súa vez traballa con distintas entidades como a Universidade de Vigo, ou o hospital veterinario de Lugo, ROF Codina.
A unión de todos eles permitiu ampliar os coñecementos da situación dos fondos mariños das Rías Baixas e por tanto mellorar as accións para o coidado destes espazos. Para saber máis desta falamos co responsable de comunicación do grupo Davila, Pablo González, responsable de Comunicación e Marketing, da división industrial do Grupo Davila.
De onde xorde a iniciativa?
O Grupo Davila é un conglomerado de empresas cuxo orixe esta no mar e sempre traballa en accións para protexelo, xa sexa a través de actuacións sociais ou dirixidas directamente ao medioambiente. Neste caso desenvolveuse unha acción co mar como protagonista, centrándonos na protección e o estudo da fauna marítima das Rías Baixas.
Para desenvolver esta iniciativa fixámonos no traballo de CEMMA, a coordinadora para o estudo dos mamíferos mariños en Galicia. A nosa implicación foi a través do apoio en iniciativas de limpeza da ría e protección da fauna nas Rías Baixas.
Que aspectos desexaban potenciar co desenvolvemento deste programa?
Este programa foi pioneiro en España á hora de aplicar dróns ao estudo da fauna mariña, e o resultado foi moi positivo porque permitiu saber en poucas horas detalles da vida dos golfiños, arroaces, etc. Co emprego destes recursos técnicos corrobóranse comportamentos dos animais mariños, descubrindo detalles descoñecidos dos costumes e a forma de vivir destes animais. Usando estas novas técnicas (en lugar de barcos) as entidades que se dedican ao estudo da fauna mariña han logrado bos resultados en menos tempo.
Que lectura extraen deste estudo?
Os estudosos da fauna mariña confirmaron comportamentos que sospeitaban, e descubriron outros que se descartaban ou se presupoñían que non eran factibles, por exemplo como se estruturan as manadas, como pescan, ou como se comportan as crías coas súas nais e o resto da familia. Uns coñecementos que achegan datos moi valiosos para analizar a vida dos habitantes do mar, da súa forma de vida, costumes e estrutura social.
Que resultados positivos están a observarse?
Está a traballarse nas conclusións finais, pero os datos recompilados son moi útiles e a curva de aprendizaxe e estudo dos mamíferos mariños mudou coas novas técnicas aéreas de observación. Uns datos que serán analizadas polos científicos e estudosos de CEMMA.
Como se transmiten estes valores ao resto de traballadores?
Todas as accións que realizamos de RSE, as relacionadas con fauna e vida submarina, así como as sociais, ambientais, educacional, etc; queremos que sexan coñecidas por todos os integrantes das empresas do Grupo Davila. Pero, a idea é dar un paso máis e por iso comezamos un proceso de participación interna de todos para que valoren as actuacións en materia de RSE. Do mesmo xeito creamos un comité no Grupo de RSE para mellorar a difusión das accións tanto dentro como fora do Grupo. Gustaríanos implicar a todos os traballadores do Grupo nestas accións, a través das súas valoracións, achegando ideas, que participen e implíquense. Un proceso que se desenvolverá a través dunha aplicación móbil privada.
Esta proposta pode ser un referente para o sector?
Iso gustaríanos moito, pensamos que temos que coidar a nosa contorna, o medioambiente mariño e a sustentabilidade "azul", así como a pegada de carbono. Por iso contamos con que todas as iniciativas que se desenvolvan desde o grupo Davila sumen para o cumprimento da Axenda 2030.
Que outra proposta gustaríalles desenvolver tras esta iniciativa?
Para o 2021 xa temos confirmado que continuaremos implicados nas campañas de limpeza das augas das Rías Baixas nas que xa estamos a traballar. Ademais desenvolvemos outras actuacións de RSE que teñen que ver coa educación e acción social. Todas elas na nosa contorna laboral, procuramos participar nestas iniciativas de forma constante a través de convenios con entidades sociais, coñecendo os seus problemas e colaborando coas súas necesidades, ou actuando na forma que sexa de máis proveito para estas institucións e as persoas das que se preocupan.
Que continuidade e utilidade ten, principalmente pensando no futuro?
Continuaremos dando o noso soporte ás accións que temos iniciadas e que achegan datos importantes á comunidade científica e institucional proporcionando un coñecemento da nosa sociedade. No caso deste programa ambiental, permite un maior coñecemento do comportamento da fauna mariña. Coidar do planeta azul é un medidor da nosa responsabilidade co mar que tanto nos brinda e ensínanos.
Máis información das iniciativas en RSE do Grupo Davila https://vimeo.com/486208305
