Imprimir esta página
A Xunta de Galicia participa no I Encontro Empresarial - Social, que se celebra este venres

A Xunta de Galicia participa no I Encontro Empresarial - Social, que se celebra este venres

11 Decembro 2019 |

(0 votos)

O vindeiro venres, 13 de decembro, celébrase o I Encontro Empresarial - Social, organizado polo Foro Empresa Pontevedra e o Rotary Club de Pontevedra, que contará coa colaboración e participación da Xunta de Galicia. O encontro terá lugar no Liceo Casino de Pontevedra (Rúa Manuel Quiroga, 21, Pontevedra).

O obxectivo desta xornada é ser un punto de unión entre empresas e asociacións locais con proxectos de ámbito social, medioambiental, cultural e deportivo orientados ao fomento do emprego e a igualdade e integración de colectivos  en risco de exclusión social. 

A Secretaría Xeral de Emprego estará representada por María Coutinho Villanueva, Subdirectora Xeral de Relacións Laborais, que realizará a primeira ponencia e participará na primeira das mesas redondas, que versará sobre a aplicación da responsabilidade social empresarial como estratexia de valor empresarial. 

A entrada será libre e gratuíta ata completar aforo. 

Programa da xornada

09:15 horas - Benvida. Alfonso Rueda, vicepresidente e Conselleiro de Presidencia, Administracións Públicas e Xustiza da Xunta de Galicia; Arturo Ramírez, presidente do Foro Empresa Pontevedra, e Gumersindo López, presidente do Rotary Club de Pontevedra.

09:30 horas -  Contexto e obxectivos da xornada. Arturo Ramírez (Foro Empresa Pontevedra) e Yolanda Molares (ICSEM, Instituto para o Crecemento Sustentable da Empresa).

 09:35 horas - Responsabilízate. Un sector empresarial máis xusto, rendible e competitivo. María Coutinho Villanueva, Subdirectora Xeral de Relacións Laborais da Xunta de Galicia. 

09:55 horas - A xeración de valor compartido desde a responsabilidade social empresarial: Cooperación entre empresas e entidades sociais. Yolanda Molares (ICSEM, Instituto para o Crecemento Sustentable da Empresa).

10:15 horas - A responsabilidade social empresarial. Ferramentas de sustentabilidade como estratexia de competitividade. Alexis Robles (Innovaris).

10:35 horas - Café e networking

11:00 horas - Mesa redonda 1 ‒ "Actualidade da aplicación da RSE como estratexia de valor empresarial". José María Corujo (AEMPE), María Coutinho Villanueva (Xunta de Galicia, Alexis Robles (Innovaris), Eduardo Barros (Cámara de Comercio de Pontevedra), Jesús Rey Rodríguez (AJE Pontevedra). Modera: ICSEM, Instituto para o Crecemento Sustentable da Empresa.

11:35 horas -  Presentación propostas de colaboración por entidades participantes: empresas e entidades sen ánimo de lucro. Modera: ICSEM, Instituto para o Crecemento Sustentable da Empresa.

13:00 horas - Mesa redonda 2: "Análise de resultados: Que necesitamos para articular a cooperación?" Jorge Cebreiros (CEP), Antonio Casal (ENCE), José Ángel Abraldes (ONCE) e un representante de Cruz Vermella. Modera: ICSEM, Instituto para o Crecemento Sustentable da Empresa.

13:45 horas - Fin da xornada.

Podes descargar o programa completo en PDF nesta ligazón