Axenda

Formación "Entende a RSC e elabora o plan de acción da túa organización" (Proxecto GEMCAT)

A segunda das formacións presenciais do proxecto GEMCAT é "Entende a RSC e elabora o plan de acción da túa organización", un módulo dirixido a persoas con responsabilidade nalgunhas das dimensións da RSE da súa empresa (responsables e técnicos de RSE, marketing e comunicación, recursos humanos e medio natural), así como todas as persoas interesadas en coñecer as implicacións que este concepto empresarial supón para as relacións das empresas coa sociedade. 

Esta actividade culminará cun traballo práctico final no que os participantes desenvolverán un plan de acción de RSE dunha organización real, e será complementada cun bloque en liña dispoñible en formacion.gemcat.eu.

As sesións presenciais realizaranse na RSE Innolab, na sede da Confederación de Empresarios de Pontevedra, nas seguintes datas:

  • 10 de abril (mércores) de 16:00 a 21:00h.
  • 17 de abril (mércores) de 16:00 a 21:00h.
  • 25 de abril (xoves) de 16:00 a 21:00h.
  • 26 de abril (venres) de 09:00 a 14:00h.
  • 27 de abril (sábado) de 09:00 a 14:00h.
  • 3 de maio (venres) de 09:00 a 14:00 e de 16:00 a 21:00h.
  • 4 de maio (sábado) de 09:00 a 14:00h.

Máis información sobre o programa formativo e como inscribirse nesta ligazón.